радиологиялық қару

(Радиологическое оружие)

тірі күштерді иондаушы сәулелермен жою, жергілікті жер, акватория, ауа, әскери техника мен басқа объектілерді зақымдау үшін радиоактивтік заттарды қолдануға негіз-делген әрекеттегі жаппай жою қаруының мүмкін түрлерінің бірі. Бұл мақсатта радиоактивті заттар жұмыс істеуші ядролық реакторлардың қалдық заттарынан бөлінуі немесе түрлі химиялық элементтерге бағытталған радиоактивті изотоптарды құру үшін нейтрондар тасқынымен әсер ету жолымен арнайы алынуы мүмкін. Радиоактивті заттар оқ-дәрі (ракета, бомба, снаряд және т.б. ұрыстық бөлігі) түрінде, сонымен қатар қоршаған ортаны радиоактивті зақымдауға арналған құрылғылар көмегімен қолданылуы мүмкін. Р.қ-дың адамға зақымдау әсері оның сәулелі ауруды дамытуға немесе ошақты сәулемен зақымдануға (теріні, көзді және т.с.) әкелетін радиациялық сәулеленумен байланысты, мұның салдарынан ол бірден немесе белгілі бір уақыттан соң жарамсызданады. Оның қолданылуы зиянды генетикалық зардаптар мүмкіндігімен байланысты болғандықтан Р.қ. өте қауіпті. Иондаушы сәулелену әрекеті адам организмінде тұқым бойынша беріліп, ұрпағының толыққанды болуына кері әсерін тигізеді. Мыс., бұл өзгерістер ұрпақтардың тұқымсыз болуына, психикалық аурулар бейімділігіне, организмнің жұқпалы ауруларға нашар қарсыласуына, т. б. әкеп соғады.